इंदापूर : प्रतिनिधी (दि. २४) इंदापूरमधील एकाच कुटुंबातील दहा कोरोनाबाधीत व्यक्तींवर इंदापूर आरोग्य विभागाने यशस्वी उपचार करुन त्यांना कोरोनामुक्त करण्यात आले. यावेळी वन राज्यमंत्री दत्तात्रय भरणे यांच्या उपस्थितीत पुष्पवृष्टी करित या सर्वांना डिस्चार्ज देऊन घरी सोडण्यात आले. यावेळी राज्यमंत्री दत्तात्रय भरणे, नगराध्यक्ष अंकिता शहा, तहसीलदार सोनाली मेटकरी,गटविकास अधिकारी विजयकुमार परिट, वैद्यकिय अधिक्षक डाॅ.एकनाथ चंदनशिवे, डाॅ.सुहास शेळके, डाॅ.विनोद राजपुरे, डाॅ.अरविंद अरकिले, डाॅ.सुभाष बोंगाणे, इंदापूर तालुका शिक्षण प्रसारक मंडळचे सचिव मुकुंद शहा, गटनेते कैलास कदम, माजी नगराध्यक्ष विठ्ठल ननवरे, दादासाहेब सोनवणे,धनंजय बाब्रस, कोवीड इनचार्ज वृक्षाली नवगिरे, लॅब टेक्निशियन अजय जगताप व इतर कर्मचारी उपस्थित होते.
यावेळी बोलताना श्री. भरणे यांनी सांगितले की, कोरोना हा पूर्णपणे बरा होतो. त्यामुळे इंदापूरकरांनी कोरोनाला घाबरण्याची गरज नाही. मात्र त्याविषयी सावधगिरी बाळगण्याची गरज आहे. इंदापूर आरोग्य विभागाच्या टीमने या कालावधीत मोठी मेहनत घेतल्यानेच रुग्णांना आजारावर मात करता आली. कोरोना काळात ज्या ज्या कोरोना वाँरियर्सने कोरोनाला संपवण्यासाठी कार्य केले. ते निश्चितचं कौतुकास्पद असल्याचे त्यांनी स्पष्ट केले. लवकरचं कोरोनाला आपण तालुक्यातुन हद्दपार करु असा विश्वास राज्यमंत्री दत्तात्रय भरणे यांनी यावेळी व्यक्त केला.
