महाराष्ट्रातील गोंधळ-भराड कलावंतांची रोहतवाडीत भरणार भव्य जत्रा; सावंत परिवारातर्फे २७ ऑगस्टला आयोजन! भक्ती अन् लोककलेचा जागर! बीडच्या रोहतवाडीत सालाबादप्रमाणे रंगणार सार्वजनिक जागरण-गोंधळ सोहळा. कलाकार एकत्र येणार, सुख-दुःख वाटणार! रोहतवाडी येथे सावंत परिवाराकडून गोंधळ-भराड पार्ट्यांना खुले आमंत्रण.
बीड: तालुक्यातील पाटोदा जवळील रोहतवाडी देवीची येथे सालाबादप्रमाणे यावर्षीही ग्रामस्थांच्या मोलाच्या सहकार्याने आणि सावंत परिवारातर्फे भव्य ‘सार्वजनिक जागरण, गोंधळ व भराड’ कार्यक्रमाचे खास आयोजन करण्यात आले आहे. येत्या गुरुवार, दिनांक २७ ऑगस्ट २०२६ रोजी सायंकाळी हा लोककलेचा सोहळा पार पडणार आहे. या कार्यक्रमाचे मुख्य वैशिष्ट्य म्हणजे महाराष्ट्राच्या कानाकोपऱ्यातील जागरण, गोंधळ आणि भराड कलावंतांना एकाच व्यासपीठावर आणण्याचा सावंत परिवाराचा हा स्तुत्य प्रयत्न आहे. या निमित्ताने राज्यातील सर्व गोंधळी व भराडी पार्ट्या एकत्र येऊन आपली कला सादर करतील, तसेच एकमेकांच्या सुख-दुःखाची देवाणघेवाण करून कलावंतांचे नाते दृढ करतील. सावंत परिवाराचे आवाहन: महाराष्ट्रातील सर्व जागरण, गोंधळ आणि भराड पार्ट्यांनी या कार्यक्रमास उपस्थित राहून आपली कला सादर करावी, असे आग्रहाचे निमंत्रण सावंत परिवारातर्फे देण्यात आले आहे. तसेच रोहतवाडी आणि परिसरातील सर्व भाविक व रसिकांनी या पारंपरिक लोककलेच्या व भक्तीमय कार्यक्रमाचा मोठ्या संख्येने लाभ घ्यावा, असे आवाहन श्री. संजय सावंत यांनी केले आहे.
कृपया संपादक, लेखकांच्या परवानगी शिवाय कुठलेही लेख कॉपी करू नये किवा इतरत्र वापरू नयेत. या संकेतस्थळावर प्रकाशित झालेला सर्व मजकूर, लेख आणि त्याचे हक्क
" ग्रामिण महाराष्ट्र न्यूज" आणि संबंधित लेखकांकडे आहेत. प्रसिद्ध झालेल्या मजकुराशी संपादक सहमत असतीलच असे नाही.
Copyright
सदर लेख अथवा लेखातील कुठल्याही भागाचे छापील, इलेक्ट्रॉनिक माध्यमात परवानगीशिवाय पुनर्मुद्रण करण्यास सक्त मनाई आहे. याचे उल्लंघन करणाऱ्यांवर कायदेशीर कारवाई करण्यात येईल.
