इंदापूर : वार्ताहर
शहरात एकाच दिवसात दोन कोरोनारुग्ण सापडल्याने प्रशासनाने पुकारलेल्या आजच्या (दि.१४ जून) एक दिवसाच्या जनता कर्फ्यूस रविवार असून देखील लोकांचा उत्स्फूर्त प्रतिसाद मिळाला. औषधाची दुकाने व काही जीवनावश्यक सेवा वगळता शहरातील सर्व व्यवहार दिवसभर बंद होते.
दरम्यान कसबा पेठेतील विलगीकरण कक्षात असणा-या एकोणीस जणांचे स्वॅबचे नमुने पुण्यात पाठवण्यात आले होते. त्याचा अहवाल उद्या येणार असल्याची माहिती उपजिल्हा शासकीय रुग्णालयाचे वैद्यकीय अधीक्षक डॉ. एकनाथ चंदनशिवे यांनी दिली.
